Poeta (Andriniela)
Pas encore lu
(Nalaina tao amin'ny vetso.serasera.org)
Poeta...Toa mirindra miaraka amin'ny firindran'ny voaary
Ny kalonao poeta
Ka mampangetaheta
Ny fanahy voangolingolin'ny endri-tsarisary
Ny zava-kantonao
...eny, hanoratra aho!
Hanoratra aho satria,hay moa mbola misy
Mahay mamelona ihany
Ny tara-pahazavan'
Ny teny mamintsika-nataoko hoe: indrisy!
Fa noho ianao poeta,ny poeta tato amiko
Dia indro koa fa velona
Ka lasa mpifamelona
Hanandratra ny teny,ny teny tena mamiko
Fanahy tonga fanahy ary mamorona fanahy
Kalo tonga kalo
Ka zary tononkalo!
Avy amin'ny soratrao kanefa tonga ahy...
Ka manala hetaheta
Poeta mampifoha poeta.
Andriniela.
--------
Lien:
Catégorie :
Aingam-panahy
