Efa lasanao ny foko... (Antsa tononkalo.R)

Nantsain'i antsa tononkalo.R
(Nalaina tao amin'ny vetso.serasera.org)
(efa lasanao ny foko...
Tononkiran'i solomona 4:9)

Iry masoandro iry, miankandrefana dia dila ;
eny andalan'ny fodiany...
Fa ny jiro manazavany ? -Ao am-pon'ny takariva !
Ary lasanao ny foko, tamin'ny masonao an-ila ;
Nireketan'ny fitiavany... Teny an-dalam-ben'ny tiany

Itsy volana itsy koa, mihamitsonika madiva,
amin'ny alina oriory,
ka mamohafoha ny tany,hierina maraina vao...
Ary lasanao ny foko, dia voasarikao mankany ;
tamin'ny rojo am-bozonao, fa tsy tandrinao akory !

Akory ny hatsaran'ny fitiavanao rahavako...
Fa nampierina mangina,
sy nanaitra ny fitiavako ; Izay tsy mety tafafoha,
raha tsy amin'ny sitrapony !
Ary lasanao ny foko, fa... tsy tandriko eto intsony !

Antsa.Tononkalo.R 24/02/2018
--------
Rohy:
1812 2
Hametraka hevitra
Midira aloha
Momba ny tononkalo
Mpanoratra : Antsa tononkalo.R
Nampiditra : antsa tononkalo.R
Daty : 02/03/2018 15:16
Antsantononkalo
Nantsain'i antsa tononkalo.R
© Eugene Heriniaina - serasera.org 1999 - 2024 - page load 0.0106