Hanoratra aho ho anao (Arlisoa)

Raha ny ventsoventso-poko
No tianao hosoratako ato,
Dia holazaiko marina aminao,
Fa tsy ho ampy izao tontolo izao.

Nefa hanoratra aho ho anao.
Raha izay no tianao.
Nefa hofaranako sahady ity.
Sao tsy ho tianao ka tsy ho fy.

'Reny kalo nosoratako.
Nasosason'ity tanako,
Marobe no tsy voambara.
Nefa inoako fa voarara.

Noraranao mafy re ny foko.
Tsy hamoaka izay koboniny.
Saingy afo mahamay no injany fa mihoko.
Ka nandoro,tsy mety maty intsony.
--------