MAMA (Clarisse Ratsifandrihamanana)

MAMA

Fony teo ianao
Izaho mihevitra mihitsy
Fa ampy ahy hatrizao
Ireo taona vitsivitsy
Ahafahako mijoro,
Samirery, tsy hatoro!
Manko kosa lasa ianao tsy tàna
Ary tsapako mazàna
Fa manao fanahin-jaza
Mikavia, solafaka aza
Mitady zahatra hamaharana
Toy ny olo-nosomparana
Mbetika mirenireny
Ty zanakao tsy misy reny

Raha tanilanao fahiny
Zany izaho no tsy tamàna
Miaiky aho ankehitriny
Sarobidy ianao ry Mama!
--------