IANAO (FahNamby)

IANAO

Sainiko mangina ny mombanao rehetra
Dinihiko milamina ao an'eritreritro ao
D'injany mantsy reko miboika tsisy fetra
Ny vetso_po anaty maniry mafy anao.
Tia angamba?

D'indreny misy sary miseho tsimoramora
Isika roa voafatotry ny tàna_mifandray
Miara_dia sy sambatra tsy misy mpanakora
Tsinjoko manjohy ny "ilay mandrakizay"
Sambasamba!

Antsoiko mora ianao hamaly sy hiteny
Eny e! Anaty saiko ihany izao tantara 'zao
Nanjary ianao hatrany no sary hita ombieny
Asa na ahoana fa tsy nahita ankoatra anao
Sa...tia ka jamba?

FahNamby
2018
--------