NY RARINY VE? (FahNamby)

NY RARINY VE...?


Angamba aho tsy hiteny, ny andro mety hisiany
Fa mba mampahatsiahy, ny zavatra takiany.
Ny fihavanana eto, toa miseho an_tsarisariny
Ka moa ary izany, hampiposaka ny rariny?


Ny antsika eto, andrianina ny manana
Kanefa sanatriaviny, izany hanolo_tanana,
Ny harena sy ny volany, ireny no hitariny
Ka aiza ho aiza moa, vao hitranga izany rariny?


Ny fiainana an_drariny? toa mbola nofinofy,
Ny sasany aza ery, milaza hoe "totofy".
Ny fitiavan_tenany, no jereo habaribariny,
Mbola ho ela marina, vao himpongatra ny rariny.


Ny manana sy ngetroka, jereo matavitavy,
Toa milamin_tsaina, amin'izay rehetra ho avy
Fa ny an'ny mahantra, ny zavatra takariny?
Miady mafy hatrany, mba hanjaka koa ny rariny.


saino!
FahNamby
2016
--------