NY VEHIVAVY (FahNamby)

NY VEHIVAVY

Bantina lava amin'ny hoe:
"Fanaka malemy"
Dia...tsy afa_manambara
sy tsy afaka miteny,
indrindra mitantara
ny zavatra tsy ekeny.

Lazaina sy ambara
Fa, haingon_tokantrano
Mpikarakara zanaka,
olo_miadan_tsaina
sy tsy mba mety lanaka.
Tsy tokony hitaraina!

Kanefa raha dinihina
amin'ny saina tsy miangatra
"Mafy ny vehivavy e !"
Vitsy ny hoe sambatra
sy miadana fanahy...

Maro ny vehivavy
no miasa sy misasatra
ho an'ny tokantranony.
Mizaha ny tongalafatra
ho an'ireo naterany...
Mahafehy ny hatezerany.

Tsy vitsy ny vehivavy
no misetra ady mafy,
Hatao tsinontsinona
sy sasatra mihafy.
Maro ireo mjaly
amin'ny vady mampirafy.

Fehiny dia tsotra,
Raha Izao Tontolo Izao
no tsy nahitàna hoe vehivavy,
Dia zava_poana ihany...
Tsy hary teto koa:
Na izaho, na ianao!

FahNamby
26/02/17
--------