NOSY MAMIKO (gervais RANAIVOSON)

Mankamamy anao daholo
Ny vahoaka manontolo,
Na ny kely na lehibe
Sy ireo efa nandre,
Fa misy ianao ry Gasikara
Tanindrazanay malala.

Fony kely aho no nahalala
Fa ianao dia tsy an-tsahala,
Na amin'ny endrika na bika
Tsy mitaha ny any am_pita,
Ka mampirehareha anay
Amin'ny saina fo fanahy.

Tsy aiko intsony 'zay lazaina
Ho an'ireo tsy tonga saina,
Tsy ho tia anao ry Nosy
Ka manao izay hahafotsy,
Ny "bois de rose" ananao
Ho loza ho azy hitatao.
--------