Ho an' i Mama (gervais RANAIVOSON)

(Nalaina tao amin'ny vetso.serasera.org)
Lehibe 'zahay 'zao
Safononoka hasambarana
Noho ilay hanatrao
Bedibedy tsy hay tohanana
Noheverina ho adalana
Rediredy serimonina
Hay vatosoa tsy an-tsahala
Nampita aina tena bonina
Notoherinay hatrany
'Reo tolo-tsainao ry mama
Noheverinay hanihany
Sy revin'antitra mazana
Ankehitsiny'zay vao tsapa
Hay lalan-tsoa 'zay sarobidy
No namonosanao ny lasa
Mba hatafita 'reto ankizy
Ny hafalianao aza indraindray
Dia natolotrao ho sorona
Mba hitsinjo ny ho avinay
Ho olom-banona ho vonona
Misaotra betsaka ry mama
Tsy ho voavaly 'zay nataonao
Sary mamy tsy hay fafana
Voatahiry ao am-ponay ao
--------
Rohy: https://vetso.serasera.org/tonokalo/gervais-ranaivoson/ho-an-i-mama
3326 1
Hametraka hevitra
Midira aloha
Momba ny tononkalo
Mpanoratra : gervais RANAIVOSON
Nampiditra : Gervoocs
Daty : 02/04/2015 10:34
Antsantononkalo

Mbola tsisy niantsa

Hangataka antsa
© Eugene Heriniaina - serasera.org 1999 - 2023 - page load 0.2094