Ambohimiadana (H.Nirina)

AMBOHIMIADANA
.
Eto no vohitra iray nitoerany
Nikolo,nitaiza 'lay volan'ny foko
Teto no nisy ny akany namelana
Nahary ny nofy,nanjary ho nofo
.
Teto no nisy maraina tsy hita
Kanefa voatsilon'ny fon'i Masoandro
Teto no "ary" 'lay hazo namita
Hibanjinana indray 'zany lanitra avo
.
Teto 'zay 'lay niankin-drindrina izay
No nentin'ny rivotra handao ny fonenany
Dia tany no nisy nitonona ho Ray
Ka nanaovany voady,ho tany hilevenany
.
Tany fodiako 'lay Ambodiriana
Fa any no misy an'ilay fara-tazana
Fa ny eto matoa mbola vangivangiana?
Tsy fantatro i Neny,raha tsy ity Ambohimiadana
.
H.Nirina
--------