Ny Fitaka (I V S ( Ilay voromailala sariaka ))
Pas encore lu
(Nalaina tao amin'ny vetso.serasera.org)
Ny Fitaka Hery iray mirimorimo
Mahapotraka ny maro
Ka tsy hainy ny hanadino
Ny Fitaka mifangaroharo
Tsy hoe vazivazy
Na atao ho rainazy
Fa hevitra iniana hatao
Ny Fitaka fa tsy kilalao
Hevi-petsy ao an-doha
Mifono fitiavana ny tena
Tsy mitsinjo ny ho voa
Fa ny mahasoa ny tena
Koa ialao fa fahavalo
Tsy mamela anao himalo
Tsy mibanjina ny ho avy
Fa ny eo ihany ny azy
Hery iray manimba saina
Hery toa tsy mba hay tohaina
Fa rehefa tarihin'ilay filana
Dia ny mamitaka no fiaingana
O ry velona eto an-tany
Ialao fa manimba izany
Maro no efa voarava
Noho ny fitaka efa ho lava
IVS
02/08/07
--------
Lien:
Catégorie :
Aingam-panahy