Lanto! Tia anao aho, Meteza ho tiaviko. (Iara)

Lanto!

Ny endrikao manga, meva sady kanto
Ny fitsikinao sariaka dia sariaka
Ny famindranao somary milantolanto
Mitambatra iray dia masoandro mibaliaka

Tia anao aho
Lanto Lanto foana, Lanto Lanto ihany
Tsy miala ao an-tsaiko, tsy afaka ao am-bavako.
Ny anaranao foana, Ny anaranao hatrany
Tanisako isan'andro fa nambabo ny fitiavako

Meteza ho tiaviko
Ny foko manontolo no he fa babonao.
Ny fitiavako rehetra sy izay am-pelatanany
Atolotro ho anao ka raiso sy hanjakao.
"Tia anao ny foko, Meteza ho mpanjakany"
--------