Hatao inona ? (Imbitika Rambala)

HATAO INONA ?
(L'hypocrisie)

Hatao inona ny fiantsanao ny anarako
Raha toa halaina ny kely mba ananako
Hatao inona ny fiangaviana fanampiana
Raha toa ka ho eso no setrim-pamaliana

Hatao inona ny tsiky volantsinana
Raha toa hatokana ho an'ireo nambinina
Hatao inona ny vola sy fahaizana
Raha zimba aman-tebaka no ilaizana

Hatao inona ny tanjaka sy hery
Raha toa ka ho ziogan'ny malemy
Hatao inona ny vavaka don-tratra

Hatao inona ny tambitamby ho ampiana
Raha toa ka odin-kevitra hanambaniana
Amin'ny vosobosotra arahin-datsa

Imbitika RAMBALA - 07/04/91
--------