Neny (IVS Ilay voromailala Sariaka)
Pas encore lu
(Nalaina tao amin'ny vetso.serasera.org)
Neny Ilay nitondra sivy vola
Nanao ny ainy tsy ho zavatra
Ilay nibaby raha tomany
Dia mbola i Neny ihany
Ilay nigoka ny tsy tiana
Niaritra ny fahoriana
Ilay nitaiza nahabe
Dia mbola i Neny ihany re
Ilay nikapoka , nibedy
Tsy nitsitsy tsora-kazo
Ilay nanambitamby sy nitia
Dia mbola i Neny tia
Ilay somary manana hambo
Noho ny hery laniny aminao
Ilay mandefitra mazana
Ilay Neny fihantana
Ilay ory raha mahita anao marary
Noho ny aina mifamatotra izany
Ilay tsy mahafoy anao maditra
Dia i Neny tia , miaritra ny vita
Sarobidy ny fananana azy
Sarobidy tsy azo atao rainazy
Sarobidy tsy azo atakalo ny hafa
Dia i Neny tia hafa noho ny hafa
IVS
13/07/2007
--------
Lien:
Catégorie :
Fampaherezana