FITIAVANA HAFAHAFA (Lova miar'shu)

Avaloko ny lasa,
banjiniko ny ho avy,
toa fitiavana hafahafa,
hampivarina any an-kady.
Efa an-tanan'olon-kafa,
ity misangy ahy matetika,
fa fitiavana hafahafa,
vao mitia dia efa rendrika.
Tsy tiako hipoitra intsony,
ny amin'ny fiainan'ny ho aviko,
fa nahatonga sorisory,
tamin'ny lalana nodiaviko.
Hofadiako ny hihaona aminao,
ry fitiavana hafahafa,
mitsodrano no azoko atao,
satria ianao hay an'olon-kafa.
--------