NY HARENAKO (Mahalia❤✨)

NY HARENAKO

Anaka,indreo ianareo zanako
Aina avy amin'ny aiko
Loharanom-pahasambarako
Ny isan'androko kasaiko

Hikelezako aina fatratra
Hitozoako foana foana
Tsy sasatra aho mikatsaka
Raha mbola misy ny fotoana

Hahafahako manambatra
Ny herim-poko manontolo
Dia mbola vonona aho hijoro
Na efa trotraka sy lanaka

I Neny sombiniaina
Tsy mba manana antenaina
Tsy mba misy hifaharana
Tsy mba zanaky ny mpanana

Tsy misy lova be zaraina
Tsy misy tany ivalamparana
Fa ianareo sombiniaina
No tena harena hisasarana

Mahalia❤️✨
10062022
--------