EMBONA (Np Augustin)

Eto am-pandrahona saosisy sy kabaro,
Izaho no mahatsiaro,
Sy mahatadidy;
Embona mangidy.

Ka io aho mikopak' afo,
Sady latsa-dranomaso,
Manembona anao;
Ao am-poko ao.

Mantsy,
Raha mba sahiko izao,
Ny nilaza taminao;
Hoe:" Izaho anie ka tia. "
Dia ohatr'izay isika mba efa niara-dia.

Saingy,
Feno henatra ny tavako,
Ka bory teo ny vavako.
Dia nilaozako nangina,
Avy eo nefa aty aoriana,
Ianao efa manan'olon-tiana.

Dia indrisy,
Fa eto amorom-patana aho sisa,
No mamisavisa,
Ny misinao indray,
Ka tsy henoko akory hoe: ny laoka anie ka may.

14/03/18
--------