VONINKAZO MONJA (Np Augustin)

Fony izy velon'aina :
Tomady fo sy saina ,
Dia voninkazo kely ,
Tsotra toy ireny ;
No mba nantenainy ,
Sady noadradrainy :
Ho azo avy aminao .

Kanefa ianao nandà ,
Nanjary nampahory ,
Tsy nanome akory .
Ilay mba efa kendriny ,
Satria tsy tianao ny endriny .

Fa nefa nony nodimandry ;
Ilay izy sasa-niandry ,
Dia iny ianao fa tamy ;
No sady nitomany :
Nitondra raozy tsara voatra ...
Ka moa tsy tara loatra ?

Fa efa loa ny fony ,
Tsy mitempo intsony .

17/01/18
--------