Alahelo (RAMAMINIRINA Henintsoa Jean Baptiste)
Pas encore lu
(Nalaina tao amin'ny vetso.serasera.org)
Alahelo lalina ao am-pokoNy nandaozanao ahy
Ka tsy hitsiky ny fanahy
Fa mbola hitoloko
Alahelo anie izany
Arahana tomany
Tsy misy ranomaso
Fa ritran’ny ankaso
Alahelo tsy mba tsapanao
No iainako isa minitra
Ka nataonao ankilabao
Ity ahy mipitrapitra
Alahelo mibahana ao anaty
Ka tsy norarahinao na ho faty
Ity tenako efa mangana
Mipetrapetraka eto andavarangana
Tena mafy izany malahelo
Saingy atao ahoana moa
Fa ianao te hanova helo
Ka nanapaka ny antsika roa
Ymamiah 11/06/2023
--------
Lien:
Catégorie :
Alahelo