AN-TSAINY (Ravo)

An-tsainy

Ta hamantatra aho kanefa
noho ny amiko voafetra
dia tsy nisy akory iray
voavinako ny momba ahy.

Toa izany koa ny Aminy,
na dia voatsidiko ny akaniny,
na dia isan'andro miara-dalana,
dia ts'isy azoko hamantarana.

Nefa, hono, dia izao:
mbola tsy àry akory aho
dia efa fantany sy hainy,
ka ny lasako rehetra
sy ireo ho avy tsy hita fetra
dia efa masaka ao an-tsainy.

Ravo na André Vonjitsoa RAKOTOARIVELO
nalaina tao @ "AIKA" tak. 36
--------