TE HO TAFA (Ravo)

Te ho tafa...

Par Ravo

Raha malama volo tsy mahatàna randrana,
Aza manery ny rasta andeha hihogo;
Raha toa ka sola na koa tsy afaka hiharatra,
Aza ny hafa no terena mba hanapaka volo.

Raha tsy hahalai-tsakotsako satria bangaridana,
Aza mandrisika ny hafa andeha hinono ;
Raha zatra ny imorona ka tia miboridana,
Aza tia savasava izay tsara fono.

Aza biby ao an-davaka no karokarohina,
Fa raha mora no ao no tsy haninona anao,
Ka ny biby hitanao ao an-trano kapohina.

Aza mianinana amin’ireo any an-kafa,
Fa mandehana mikotrana aloha dieny izao :
Izay ihany no fika raha toa te ho tafa.

RAVO (André Vonjitsoa RAKOTOARIVELO)
--------