FIKOMIANA (RF Ravakiniaina)

Handrafeto fo maranitra aho
Hanamboarako toetra
Hanampi-maso, tsy hitsetra
Ireto nampizaka ny sedra

Handrafeto fo maranitra aho
Hamonoako fandeferana
Hamerenako amin’ny toerany
Ireo mihevi-tena ho fanaperana

Handrafeto fo maranitra aho
Hikomiako am-paharatsiana
Hisoloako vaika ireo mangina
Mba hanoherako ny fandrabiana

Handrafeto fo maranitra aho
Handrangitako ny sainy
Ny sain’izay zatra manitsaka
Manitsaka sy andevom-pitaka


RF Ravakiniaina
--------