Voady (Rijosiana)

Na ory na faly
Na salama na marary
Dia rano sy vary
Lamban'ankoho no tarigetra
Ka aina no fetra
Faty no hisarahana
Ka ho mandrakizay ny fiarahana

Voady no omeko
Ka izay rehetra mombanao ekeko
Na ny ratsy na ny tsara
Ianao no anjara
Ka hoataoko tsara karakara

Matokisa ianao ry malala
Fa na iza ankahala anadala
Izaho tsy hiala
Na iza mialona manenjika
Ny sambom-pitiavantsika tsy mba ho rendrika

Indro raiso ny tanako
Ny foko s'izay kely mba fananako

Andao re rahavana
Iaina ny tena fitiavana

Tiako ianao
--------