ATAOKO AHOANA???? (ROJOSALOHY)
Pas encore lu
(Nalaina tao amin'ny vetso.serasera.org)
ATAOKO AHOANA?????Ataoko ahoana ny fitia olona roa?
Ataoko ahoana ny hanenjika voron-droa?
Ataoko ahoana ny filoloha siny roa?
Aleo hajanoko fa mankarary an-doha........
Avelako ny iray tsy manaiky,
Hariako ny ankilany marary,
Izaho anefa tsy te-hiraika,
Aleoko manary ny fitiavany mamy.
Ataoko ahoana ny fizaràko ny fitiavako ho roa?
Ataoko ahoana ny hametrahako ato am-poko tompo roa?
Samy tsy misy tiako hanapaka ny foko,
Aleoko mijery azy roa samy mitoloko.
Na mafy aza ny alahelo sara-tiana
Na tsy zakako aza ny hoe votsi-droa
Aleoko milanja ho ahy ny fijaliana
Toy izay hieritreritra ny hampirafy azy roa
ROJOSALOHY
2005
--------
Lien: