“Tahirin’ny fitia” (Romaric)

“Tahirin’ny fitia”




Akorisako ny peniko
Hitahiry anao r’ilay hany fitiavako;
Ary angamba tsy ho neniko
Ny nahitako anao,fa iny no hasambarako.


Kisendrasendra mantsy
Ilay isika nifanena indray alin’ny ririnina;
Kisendrasendra mamy
Tsy tiako oe hifarana,saingy tsy azoko fihinina.


Ny masoko no injao
Nafahatro taminao,nandinika maharitra;
Fa ny foko sisa izao
No injany mahatsiaro ilay fitia tsy oafaritra.


Dia ilay masonao nangalatra
Nitopy teny amiko,na …angamba hoe tsinahy;
No indro nampitambatra
Ny herin-tsaiko sy ny foko,hilaza anao hoe ahy

.
Dia nitsiry toa am-poko
Ny fitiavana anao,niha nahazo faka;
Dia lasa toa tsy foiko
Iny tsikinao mangina s’ilay oroka indray maka.



Kanefa ianao tsy ho hitako
Fa iny alina iny no voalohany sy farany nahtako anao;
Dia asa fa ny vintako
No indro hanakinako,ireo andro hifanenana aminao;





Romaric ( 12 – 07 – 04 )
--------