Namana (Syrius)
Pas encore lu
(Nalaina tao amin'ny vetso.serasera.org)
Faly ery re ny tena Raha nahazo anao ho namana
Sarobidy toa harena
Nomena fa tsy nangalarina
Nifampatoky, nizara tsiambaratelo
Nifanome hevitra, nifanoro lalana
Mba hamalifaly, hamafana ny alahelo
Satria zay no maha mpinamana
Tsy ho adino, tsy ho very
Reo zava-drehetra noresahana
Fa vao maika hanome hery
Hanamafy hatrany ny finamanana
Andro vitsivitsy zay no lasa
Nanao ratsy anao ve ny tenako?
Satria niova enao toa hafahafa
Raha eny hifonako aminao ry namako
Ankehitriny ve ho rava
Ny naha mpinamana hatr'zay
Sa mbola hitohy, mbola ho lava
Haharitra ho mandrak'izay
--------
Lien:
Catégorie :
Namana