Vazo lasana (Andraina Arisetra)

An-tampon'ny nofy ny hira fitendry
Dia...angolan'ireo lohasaha mangina
Anaty vinan'ny fampatoriana
Onja-mozikan'ireo olon-kendry !
'Reto ako aza moa mba mamonjy ny havoana...
Onona monja ny hiran'ny moana...

Tony ny vetson'ny vola-mazava
Ontsain'ny ngadona toa tsisy tonony
Miantsa ny vaniny toa tsy sahaza
Angaredon'ny omaly sakaizan'ny voniny...
Ny androany aza valaka sy efa mahia !
Indrisy ny lany tsy hipody an-dovia...

Herezo ry antso tsy nasiako feo...
--------