Eritreri-dririnina, (Antsa tononkalo.R)
Mbola tsisy niantsa
(Nalaina tao amin'ny vetso.serasera.org)
"Eritreri-dririnina"Ny andro tomoetra dia merika lava,
ny dridran'ny foko tsy mety mamoy
Ny eriteritra foana no manavatsava...
Mikotrika nofy tsy mety mba foy !
Ny erika nefa misoko misoko,
mamorona zavona tsy ahita-mazava
maniteraka haizina anatin'ny foko
Eritreritra ihany mikiry hoe: tiava.
Ny dridran'ny foko efa mila ho lava
Tsy mety lembenan'izay zavon-tany
ny erika anefa tsy mety misava
Eritreritro sisa mankany, mankany...
Ny andro tomoetra manerika foana,
ny dridran'ny foko tsy mety mamoy
Eritreri-mikarok' ilay lohataona...
Mandrapiandry, ny nofi-ko foy.
Antsa Tononkalo.R 05/2019
--------
Rohy:
Sokajy :
embona - Fahatsiarovana - Eritreritra mandalo - Alahelo - fiainana - Aingam-panahy - Fitiavana
Hevitra mandeha
03314
(
18/05/2019 15:40)
manaiky lesy aho ralahy a! tena kanto e! (Joda.R) ihany
antsa tononkalo.R
(
29/05/2019 19:47)
Aoka marina e, mankasitraka indrindra rahalahy a! Izaho koa Maka anareo
Hametraka hevitra
Midira alohaMomba ny tononkalo
Mpanoratra : Antsa tononkalo.RNampiditra : antsa tononkalo.R
Daty : 14/05/2019 18:39
