INDRISY (AZRAEL)

Asakasakao ry tiana
Raha vitanao ny hiraikiraiky
Hanitsakitsaka ireo dina
S'izay niarahana nanaiky

Fa moa mba nosaininao
Ity masoko manganohano,
Noho ny antambo vitanao
Sahy nivadi-belirano?

ireo lasantsika rehetra indrisy
Toa nofy fa tsy tena nisy,
Akory atao f'izay no anjara
Ka nivalona ho tantara

Ny mitso-drano sisa izao
No hany azoko atao,
Fa na hisaona mantsy tsinona
Tsy hampiova n'inon'inona

AZRAEL
--------