hivavaka aho kanefa (H.J Myrai)

Raha hivavaka aho kanefa
Tsy mbola haiko ny mametra
Sy mifehy ny vatako maditra
Dia aleoko ihany aloha tsy hita

Raha hivavaka aho kanefa
Tsy hatanteraka fepetra
Takin’ilay finoana
Dia aleoko ihany aloha midola

Fa raha hivavaka aho kanefa
Tsy havita hiaritra ny sedra
Sy hilanja ny hazo fijaliana
Dia aleoko ihany aloha tsy liana

Eny !Raha hivavaka aho kanefa
Tsy haiko ny manadino ny rehetra
Sy ny fahazaran-dratsy
Dia aleoko miandry atsy ho atsy

Fa ianao? Mivavaka kanefa
Atao fanafenan- toetra
Sy ny fomba ratsy efa fanao
Ny antony ivavahanao

Misy mihitsy aza moa
Mpitondra fivavahana tokoa
No sahy migoga ny amamin’ny tany
Moa tsy mpiahatsaravelatsihy raha izany?

Ka aleoko ihany ho aho
Aleoko mihitsy aloha mandà
Aleoko vonona sy matotra
Vao hanaiky an’andriamanitra
Myrai
--------