Any izay malala! (Dan Mandimby)

Any izay malala,

Herinandro izay…
Herinandro iray!
Herinandro no...
Nandaozany ahy.

Androany aho, …mahatsiaro
Ireo sangisangy maromaro
Androany aho, manimanina
Ireo angolam-pitiany, tsy ankijanona

Omaly ihany koa aho, tomany.
Omaly ihany koa aho, nijaly.
Omaly ihany koa aho… narary.
Teo ampijerena ilay sary.

Rahampitso indray, ho vitako ve?
Rahampitso tsy hay, ho haiko ve?
Ny hanadino ny fiarahanay…
Hamafa ireo fotoana nisambaranay.

Fito andro izay tena halako,
Nahalasan’ilay malalako,
Maty tsy ho hitako intsony.
Maty niakatra any ambony.

Dan Mandimby ( 12/03/2011)
--------