NAHOANA? (FahNamby)
Mbola tsisy niantsa
(Nalaina tao amin'ny vetso.serasera.org)
NAHOANA?Nahoana ry sento
No havela andalo,
Sy hipongatra eto-
Ny ora hampimalo?
Nahoana ry tany
No mbola mitoetra,
Sy tsy afaka ihany-
'Reo mpisetrasetra?
Nahoana ry volana
No noana taratra,
Sy rakotr'olana-
Anaty fahavaratra?
Nahoana ry lanitra
No tsy heno intsony,
'Lay fofona manitry-
Ny felam_bony?
Nahoana ry alina
No dia mangina,
Ao anatin'ny lalin'
izay fahoriana?
Nahoana e!, nahoana
No mbola mijaly,
Sy tsy afaka foana-
Ny dindon'ny omaly?
FahNamby_16 Novambra 2017
--------
Rohy:
Sokajy :
fiainana - Aingam-panahy
Mpakafy:
TRRV - rfahendrena
