Olon'ny Fanahy (Hasina)

Misy lalan-davitra zohin'ny eritreritra
Ao ambadik'iny fahanginako iny
Mivezivezy foana mitetitety efitra
Tsy te-hisaona ny andron'ny fahiny

Olon'ny fanahy ianao nikajy ny fisiko
Takatro ny heviny sy ny ambadik'izy ireny
Raha hongotana ao anaty ny raozim-pifaliako
Moa ho mora foana ny hanonerana an'ireny

Nisafidy ianao hanjohy ny lalan-tsamirery
Diso aho raha hibahana ny lalanao mamiratra
Fa aiza no handevenana ny nisin-tsika very
Sy anaromana ny taratry ny lasa efa namiratra?

Fa raha handeha ianao dia etsy mba lazao
Tamin'ny fomba ahoana no nampiononanao ny fo,
Taiza no nianaranao nanaiky izao rehetra izao
Mialohanao namarana ny tantaran-tsika roa

Raha tsy hisy setriny izao antsoko eto izao
Dia veloma ry mpanjaka nanary fanjakana
Misaotra nanamarika izao fisiako izao
Olon'ny fanahy ianao hatrany am-piandohana
--------