IZAHO S’ILAY TIAKO (HERIMIKALO)

Ry olona tiako
Malalan'ny foko
Ianao no hitokiko
Sady tsy foiko

Ianao ilay anjara
Finidy eto an-tany
Ka mba aharitra tsara
Ho am-parany any

E! Izato isika
Rehefa miara-dia
Toa be mpitsiriritra
Satria samy tia

Tsy mba mifanary
Tsy mba mifandao
Fa dia lavorary
Izay rehetra atao

Rehefa tonga ny olana
Dia indreo isika roa
Iray lalan-kizorana
Ka mifanampy tokoa

Dia maivana aok'izany
Ireo enta-mavesatra
F'isika miaraka hatrany
Tsy mba mety ho ketraka

Fa tiako ianao
Ianao tia ahy
Tsy mba mifandao
Satria samy sahy

Dia vonona hiroso
Na inon-kidoana
Hiady sy hilofo
Mba hiara-miroana

Ilay tokantrano
No handeha hajoro
Ho tsara tso-drano
Ka tsy hikoro

Ho fenoina fitia
Ity tokantrano
Mba ho doria
Fa tsy hidiran'angano

Hifanampy isika
Hifarimbona koa
Satria izay no midika
Fa iray isika roa

Dia olona roa
Tsy afa-misaraka
Fa iray fo
Izay no mitambatra

Ka henika antsika
Ny tontolom-pitia
Toa tsy misy tomika
Ka sambatra ery

Toa tsy eto an-tany
Fa ambony rahona irony
Satria makamamy
Ilay fitia tsy hitony

Mifampizara fitia
Na izaho na ianao
Natao izany satria
Mba ho fiainam-baovao

Ka hamaranako azy
Ndrao lava loatra
Hiarak'izay
Hatrany ankoatra
--------