Faingana vonjeo (Iara)

Faingana hiady mafy
Avondrony ny hairaha,
Fandrao ny "malagasy"
Ho babon'ny "vazaha".

Asandrato ny faneva
Ajoroy re ny satany
Mba tsy hitratrevatreva
Ireo vahiny sasantsasany.

Katsaho re ny lasa
Fongaro ny tantarany
Fa maro ireo mikasa
Hamono ny anarany.

Tsaboy fa maratra
Ireo kolontsainy
Fa sao tsy ho tratra
Ka ho tapitra ny ainy.

Faingana f'efa akaiky
Ny fepotoana farany
Faingana sao taraiky
Ka tsy ho azo ity anjarany.
--------