Fitiavako mpivahiny (iLémamy A)

Tiako ianao ry olon'iny,
Eny tena tiako loatra,
Nefa aza omenao tsiny,
Ity fitiavako te hitraotra.

Mba tiavo re aho,
Sy ity foko manirery,
Fa tena tia anao,
Ka aza avela hitia irery.

Tiako ianao ry mpivahiny iny,
Eny tena mamiko tokoa,
Sanatria raha izay hoe redirediko iny,
Fa toa tena teny voalaokan'ny fo.

Mba tiavo re aho,
Sy ity fitiavako adaladala,
Fa toa mirediredy lava ny anaranao,
Ka mba miangavy,aza atao fitia manalasala.

iLémamy
--------