PAO-TSATROKA (Imbitika Rambala)

Pao-tsatroka

Fa ny azy

Tsy nanitsaka sekoly
Tsy mahita kokikoly
Fa ny tanam-polony
No nataony solon'ny
Solaitra sy ny penina
Tsy an-kimenomenona

Izay mba tao an-tsainy
Izay mba kely hainy
Izay mba kely hitany
No mamaritra izay vitany

Dia

Miainga vao maraina
Tsy mba mitaraina
Dia indry mivikiviky
Miloloha ny sobiky
Sy mivimbina akalana
Mamonjy sisin-dalana

Ka

Ny tombony mba azony
Amin'ireto mangahazony
No miantoka ny sisa
Dia i Soa marisarisa
I Koto handeha hianatra
Ny trosan'ny ao avaratra
Ny savony sy vilany
Hiantohany avy izany

Koa

Anjara ratsy ve ny azy
Lahatra tokoa sa dia sazy
Saingy ny azoko atao
Dia pao-tsatroka aminao

Imbitika Rambala - 16/05/18
--------