Mpanjono nangaina (mahorani)

Nantsain'i
(Nalaina tao amin'ny vetso.serasera.org)
MPANJONO NANGAINA

Lasa dia lasa ny sainy:
Variana nanaiki-panondro!
Vaka izy, tena tsy hainy;
Fa tsy homana mihitsy ny trondro!
Toa very foana ny kankany,
Matsatson'ny rano sy lany!
Nandrasany, tena nadrasany:
Fa tsisy mba niakatra avy any!
Fa nankaiza daholo ary ireny,
No tsisy manaikitra akory;
Sa ny feony miteny irery;
No reny ka zary ifendroany?
Ny nifohazany maraina anefa,
Mba hitondrany laoka any an-tranony;
Ny masoandro ity efa hilefa,
Tsy mba trondro iray ao an-karony!
Tsy maintsy izy mody amin'izay,
Na misy ny trondro na tsisy!
Ireo vady aman-janany izay:
Nanantena mba hanao frity!!!
Vazivazy iny ny ahy ka ihomehezana;
Sangisangy ka zary itsikiana!
Kanefa raha tena hofehezina;
Dia fananarana raha zohina!
Fa maro ny olona an-tany;
Manantena ny hahita ny soa;
Mitady ka mitady ihany;
Tsy misy ka atao ahoana moa?!!
Dia ireny tsy ambinina ireny;
Tsy ho vita raha hotantaraina;
No oharina indray miteny:
Ho toy ilay "Mpanjono nangaina!"

Mahorani (Sejianis ihany)
--------
Rohy:
Sokajy : fananarana - vazivazy
2599 0
Hevitra mandeha
Clarys ( 13/05/2004 07:07)
Mahafinaritra kah ! Ho anay tia jono dia marina io ka misaotra anao. Efa ela tokoa aho izao no tsy nanjono !!!
Merci an !
Hametraka hevitra
Midira aloha
Momba ny tononkalo
Mpanoratra : mahorani
Nampiditra : sejianis
Daty : 02/04/2004 19:39
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0101