Antso! (Mampikanto)
Mbola tsisy niantsa
(Nalaina tao amin'ny vetso.serasera.org)
ANTSO !Antson’ny manina izany reko any ho any
Antso te-hiampita nefa toa voafehy
O!ry voron’iny, ilazao ilay tiako fa ny aty hoe tomany
Nefa aoka ihany ity redirediko ho lefy
Zany foko te-hitroatra, hamoaka ny ao anaty
Zany foko te-hikiaka, ny anaranao mazàna
O!ry tiako aleoko mody maty
Sy hikosoka izato eritreritra tsy tana
Antso iray tsy misy mpanoina
Antso tokana niandrandrako valin-teny
O!ry eritreritro tsy azo porofoina
Avilio zany saina, tsy hanantena ny “eny”
Mampikanto
12/10/03
--------
Rohy:
Mpakafy:
Nintsoa