Ilay ... iny ... (Mampikanto)
Mbola tsisy niantsa
(Nalaina tao amin'ny vetso.serasera.org)
ILAY … INY….Ilay erika nifafy
Toa vao maika koa nanamafy
Ilay ranomasoko tsy tàna
Malahelo anao mazàna
Iny làlana iny koa
Izay falehantsika roa
No hany mahalala
Fa ny foko dia “adala”
Iny volana miampify
E! saron-drahona indrisy
Saika mba alaiko ho namana kanefa
Tsy voajinery akory dia nilefa
Ilay siokam-boronkely
No hany tokana irery
Sady hany mahafantatra
Ilay fitiavako tsy fantatra!
Mampikanto 040205 à 17h44
--------
Rohy:
Hevitra mandeha
ravaomanahirana
(
04/02/2005 19:50)
hatsiarovako olona iray izay io tononkalonao io ,mitovy @ izao mihitsy ilay tononkalo nalefany ho ahy ,mahereza manoratra fa feno fitiavana ny aingam-panahinao!
mampikanto
(
07/02/2005 07:31)
Miarahaba anao Ravaomanahirana!
Mankasitraka anao nampahery e!Noho ny fisianareo mpankafy dia hiezaka hatrany ny hanoratra eto e!
Kanto
Mankasitraka anao nampahery e!Noho ny fisianareo mpankafy dia hiezaka hatrany ny hanoratra eto e!
Kanto