IRAY FARIBOLANA (NofenoinaNatiora)

IRAY FARIBOLANA ♥️

♥️Nohaingan'ny ainga
Nisy tam-panahy
Dia indro tafahaona
Tojo teboka iray

♥️Teboky ny teny
Nitambatra tan-tsaina
Niloaka teo imolotra
Ka lasa sora-miaina

♥️Nampifandray 'reo tanana
Navezivezin-tsoratra
Dia io rafinamanana
Tsy niahotra niantoraka

♥️Dia indreto eny isika
Anaty faribolana
Hanandran-teny
Hiara-hamita
Ny tanjona hisalorana

♥️Isika toy ny teny maro
Fa rehefa tafatambatra
Dia lasa amboaran-tononkalo
Sy soratra miara-misandratra .

NOFENOINA NATIORA NITSIMOKA

16 MARS 2024
--------