NENY (Np Augustin)

Ny ahy ny reniko, tsy ampijaliana,
Fa ampiadanina sy ampifaliana :
Angolangolaina amin'ny fihetsika tony,
Mantsy raha kotabaina, maharary ny fony.

Dia ny anatra omeny,
Tsy avelako ho very,
Fa tadidiako sy mbola tsaroako;
Satria izy ilay reny tsy foiko :
Mpanoro làlana sy mpanazava,
Mpitsimbina ny aiko lalandava.

Ny anton' izany,
Averiko ihany :
Ny ahy ny reniko, tsy ampijaliana,
Fa ampiadanina sy ampifaliana.

23/05/18
--------