TENY BEHORIRIKA (Np Augustin)

Omaly atoandro teo,
No iny izaho zareo,
Niditra tanaty tranom-barotra;
Ka tao aho no nahatsikaritra,
Zavatra hafa mihitsy:
Fa itsy alavitra itsy:
Misy tovovavy,

Tsy haiko hoe: nahoana,
Fa mibanjina ahy foana.
Mandinika diso tafahoatra...
Angamba izy tara, fa izaho bogosy loatra.

Dia teo no eo aho dia velom-pitsikiana,
Ela ny ela lesy fa hanan'olon-tiana.
Mety ny foko mantsy no iriany ho anjarany,
Ka avy eo dia nihazakazaka aho mba handray ny tanany...

Nefa akory ny hatairako, saika latsaka ny aiko,
Hay ka sari-vongana ity mba nantenaiko!


09/01/18
Tamin'ny 7 ora maraina
--------