RAHOVIANA ? (OLLIE)

Toa maloka foana zany andro
Tsy mba misy hazavana
Fa nakaiza ilay masoandro
Mba hanisy fiovana

Nosomparan'ilay rahona
Izay mba mety ho fananako
Ka nanakona toa mandrahona
Ny anjara tandrifiko

Fifaliana,fijaliana,fahoriana
Izany foana no hita hatrany
Mampijaly,mankarary,mahavariana
Hetraketraka no mahatonga izany

Hasambarana,tsikitsiky,fifaliana
Toa mba nisy ihany izany
Fa nandalo,nampimalo,hasosorana
Ary rava ny fiafarany

Fa nahoana ry tany?
Toa maro loatra ny mpisompatra
Fitiavan-tena ve sa inona ihany?
Satria na iray aza tsy nanavotra

Mangidy loatra ka mampitaraina
Ary sarotra ihany ny hamehy
Mbola lavitra mantsy ny hombana
Rahoviana ary vao handresy?
--------