DADA (RAJAOBELISON Samüel)

DADA

Vao antsoina dia efa ampy
Ho aro sady vatolampy,
Anto-piainana rehetra
N'aiza n'aiza no mitoetra.

Sakafo, akanjo, fianarana
I Dada ho'aho no hanamparana,
Ny fitiavany tsy lany,
Safomorona hatrany.

Ny ankizy mbola manana azy
Be angoty vazivazy,
Midongy sady mila vaniny

Ireo tsy manana azy intsony
Ankonankona ny fony,
Sakafo ts'isy tokotaniny.


ZAKARANDAHY Marsa 1958
--------