Tsy misy vidiny ny tsiky (raozy2)
Mbola tsisy niantsa
(Nalaina tao amin'ny vetso.serasera.org)
Tsy misy vidiny ny tsiky, Ary koa tsy mila tambinyAry azonao zaraina, Eny na ireo izay ambiny
Fa ilay tsikinao zinara, ilay sombin-tsiky iny
Dia efa hanamaivan-danja, ireo loza s’ireo tsiny
Tsy misy vidiny ny tsiky, nefa ny hafanana entiny
Dia efa ampy hampisava, ireo jaly sy ny pentiny
Fa ilay tsiky toraky ny fo, na dia fohy fiserana aza
Dia efa ampy hahafongana,ilay tezi-po mivazavaza
Tsy misy vidiny ny tsiky, nefa ny fizarana izany
Dia efa ampy hamafana, ireo potraka tomany,
Fa ilay tsiky izay nafoy, nomena tsy nilàna setriny
Dia hampivadika ilay jaly, k’ilay faly hody ventiny
Tsy misy vidiny ny tsiky, ka itambezoako anao,
Ndeha mba izarao izany, ny manodidina anao
Fa raha tsiky maromaro, no iarahana mizara
Dia mino aho fa tena ho betsaka ,ny fiainana no hihatsara
--------
Rohy:
Sokajy :
Aingam-panahy
Mpakafy:
mangamaso
Hevitra mandeha
Nirilala
(
06/08/2009 01:56)
Marina tokoa izany raozigasy. Tsy ny hafa ihany no sambatra rehefa mahita anao mitsiky fa ny tenanao indrindra koa.
mangamaso
(
06/08/2009 06:37)
Misaotra anao raozigasy,
Na tsiky kely monja aza dia ampy
Hanambelombelomana saina sy fanahy
Na tsiky kely monja aza dia ampy
Hanambelombelomana saina sy fanahy
ari.malala
(
06/08/2009 12:04)
Tsiky iray natolotrao
Nampihiratra ny androko
Tsiky teo imolotrao
Nampipoaka ny masoandroko...
Nampihiratra ny androko
Tsiky teo imolotrao
Nampipoaka ny masoandroko...
endrika01
(
08/08/2009 04:05)
Tsy misy vidiny ny tsiky,sa ny tsiky iray tsy voavidy vola!