ADIDY TSY VITA (Ravo)
Mbola tsisy niantsa
(Nalaina tao amin'ny vetso.serasera.org)
Adidy tsy vita Gasikara o! tany mena…
Mijery anao aho dia onena
te hanova anao ho Edena,
Te hitroatra hanova zavatra,
ka izany no hampitana hafatra.
izao no adidiko, mba efa:
hijoro amin’ny maha poeta
hampahatsiahy sy hampianatra
fa ianao dia tanin’ny fihavanana,
tanim-pady alatsa-drà
ka ireo izay rehetra sahy
mba handika an’izany,
modia ho vovoka ho tany!
Gasikara o! tany mena…
Mijery anao aho dia onena
satria tsy azoko ekena
ny hampihoson-drà anao...
ny hanao anao toa kilalao...
Ravo na André Vonjitsoa RAKOTOARIVELO
--------
Rohy:
Mpakafy:
TosakaMg
