TANGORONGORONA (Ravo)

TANGORONGORONA

Tangorongorom-parasy,
tsy ilaina fantarina akory
hoe aiza no misy azy be
satria ireny tsy mahay mihafy
fa rehefa ny alika no matory,
izy ireo miasa anelan'ny fe.

Tangorongoron'alika,
fihaonana sarotra idirana;
monomonona sy hiakiaka
no mameno azy ka manahirana,
fivoriana tsy hitondrana mody
fa efa vitan'ny orokoroka.

Tangorongoron'ny vitsika,
fatim-biby iaraha-minday;
asa miaraka tsy ilàna lisitra
fa iombonan'ny tsirairay.

RAVO
--------