ANJARAKO (RHAd)

Maty androany lay anjarako
Maty tsy nialako nenina
Ka navelako ho ny penina
No handaotra anao ny tantarako

Anjara, rotiky ny jaly
Tototry ny ratra foana
Ana, ankon'ny tomany
Vonton-tsento sy misaona

Anjara, loko bambaray
Nifototra amin'ny fahoriana
Ka ranomaso tsy afa-dina
No rano mba narosony ahy

Dia feno fangitr’alahelo
Ny soratry ny fahavelomako
Niara-niosina taraina
Ny vahatra ifatorako

Fa n’aiza n’aiza misy ahy
N’iza n’iza efa nandà
Hiombon-kitsak’amin’ny zarako
Very remby Ianao ry sahako
--------