HAFATRO (Riman'ny fou)

Ianao ry rivotra miserana irony
raha sendra mandalo any ho any
fantatro ianao fa tsy hiverin'intsony
nefa etsy hafarako na dia izany.
_
Any hoany mantsy izay malalako izay
tsy fantako hoe aiza fa niova lasy indray
mitsingerina anio ny andro nisarahanay
andro izay tsy ho adinoko mandrakizay.
_
Any izy angamba mety efa nahita soloko
mbola eto kosa izaho sy ity fo torotoroko
any hoany izy izay asa efa nanadino?
ka raha handeha ianao dia izao no vimbino:
_
Tsy ho adinony hono ireny lasa ireny
fa mbola manaloka azy foana eny ho eny.
Tsiarony ireny zava-bita niarahananao
sy ireny sangisangy anembonany anao.
_
zary lasa havelo tsy hay andosirana
ireny lasanay ka tsy hay iodivirana
ao anaty fahanginana no heno manako
mitanisa sy mamoha izay efa nofafako.
_
Ambarao azy fa iny fisarahany iny
dia tsy sitrakin'ny foko fa faniriny.
mety teo koangamba ny hadisoako!?
ka raha nisy izany dia lazao izy fa ivaloako.
_
Hahita azy ianao any andro, any fotoana
mba lazao any fa zaho mbola ato foana
toy ny vain'afo, ka mandoro tsikelikely
ity fitiavako azy tsy ho maty velively.
_
Asa raha nanadino fa mbola tsiaroko
izy foana no ambentin-tononkaloko.
Ampio aho hilanja ity hazofijaliako
vimbino mba ho any izany fahoriano.
_
Tondraho hitambelona ao antsainy
ireny raozy porofom-pitiavako
nefa azony potehina raha toa tsy ilainy,
fa tsy mba harahiko tsiny izato havako.
--------